Lengjubikarinn: KR meistari annað árið í röð

KR er Lengjubikarmeistari A-deildar karla annað árið í röð. Þeir höfðu betur gegn Grindavík í úrslitaleik í Egilshöllinni í dag.

Grindavík skoraði fyrsta mark leiksins, en það var dæmt af vegna rangstöðu. Andri Rúnar Bjarnason kom boltanum í netið, en aðstoðardómarinn dæmdi hann rangstæðan eftir mikla umhugsun.

Fyrsta löglega mark leiksins var virkilega flott. Það gerði Óskar Örn Hauksson með föstu skoti eftir vel útfærða aukaspyrnu.

KR-ingar fór með forystu inn í hálfleikinn og komu vel stemmdir út í seinni hálfleikinn. Tobias Thomsen, sem hefur smollið vel inn í lið KR á undirbúningstímabilinu var í stuði.

Hann gerði tvö mörk í seinni hálfleiknum og leikurinn búinn. Ástbjörn Þórðarson gerði fjórða mark KR þegar lítið var eftir og öruggur sigur þeirra staðreynd.

Grindvíkingar, sem eru nýliðar í Pepsi-deildinni, gáfu KR-ingum leik, en Vesturbæingar reyndust einum bita of stórir.
Við óskum KR-ingum til hamingju!

Byrjunarlið KR: Stefán Logi Magnússon (m), Morten Beck. Ástbjörn Þórðarson, Skúli Jón Friðgeirsson, Finnur Orri Margeirsson, Pálmi Rafn Pálmason, Indriði Sigurðsson, Kennie Chopart, Arnór Sveinn Aðalsteinsson, Óskar Örn Hauksson, Tobias Thomsen.

Byrjunarlið Grindavíkur: Kristijan Jajalo (m), Hákon Ívar Ólafsson, Nemanja Latinovic, Sam Hewson, Gunnar Þorsteinsson, Andri Rúnar Bjarnason, Brynjar Ásgeir Guðmundsson, Magnús Björgvinsson, Marinó Axel Helgason, Björn Berg Bryde, Aron Freyr Róbertsson.