Willum Þór Þórsson, þjálfari KR var ánægður með sigur sinna manna í dag en KR vann Grindavík, 4-0 í úrslitaleik Lengjubikarsins.
„Það er alltaf gaman að vinna og þetta er ágætis veganesti. Svona kannski í takt við það sem við erum að gera, það hefur verið góður stígandi í þessu hjá okkur. Nú eru bara tvær vikur í mót þannig við höfum þær tvær vikur til þess að byggja ofan á þetta og vinna í þeim hlutum sem við viljum bæta okkur í," sagði Willum.
Nýjasti leikmaður KR, Tobias Thomsen átti góðan leik í dag og skoraði tvö mörk. Willum er ánægður með innkomu hans.
„Hann kemur inn með mjög sterkt hugarfar og mikinn vilja í að sanna sig. Hann er vinnusamur og duglegur og leggur sig fram við að skila sínu í skipulagið. Það er eiginlega það dýrmætasta í þessu. Svo er alltaf gott þegar framherji skorar mörk."
Ungir leikmenn koma inná í liði KR í dag og spilaði Ástbjörn Þórðarson allan leikinn og skoraði síðasta mark KR-inga. Ástbjörn er fæddur árið 1999 og átti flottan leik.
„Hann er bara búinn að vera í byrjunarliðinu síðustu tvo leiki bara vegna þess að hann er í sterkustu uppstillingunni sem völ er á. Þessir strákar eru allir búnir að stíga upp í vetur og eru að koma inn í liðið á réttum forsendum. Þeir eru valdir því þeir hafa staðið sig."
Willum býst ekkert endilega við að styrkja liðið fyrir Pepsi-deildina, mögulega gæti komið einn leikmaður.
„Það er engin pressa á það. Það yrði þá í mesta lagi einn leikmaður en hann þarf að vera virkilega góður og við verðum að vera alveg öruggir um það að hann færi liðinu eitthvað."
„Það er alltaf gaman að vinna og þetta er ágætis veganesti. Svona kannski í takt við það sem við erum að gera, það hefur verið góður stígandi í þessu hjá okkur. Nú eru bara tvær vikur í mót þannig við höfum þær tvær vikur til þess að byggja ofan á þetta og vinna í þeim hlutum sem við viljum bæta okkur í," sagði Willum.
Nýjasti leikmaður KR, Tobias Thomsen átti góðan leik í dag og skoraði tvö mörk. Willum er ánægður með innkomu hans.
„Hann kemur inn með mjög sterkt hugarfar og mikinn vilja í að sanna sig. Hann er vinnusamur og duglegur og leggur sig fram við að skila sínu í skipulagið. Það er eiginlega það dýrmætasta í þessu. Svo er alltaf gott þegar framherji skorar mörk."
Ungir leikmenn koma inná í liði KR í dag og spilaði Ástbjörn Þórðarson allan leikinn og skoraði síðasta mark KR-inga. Ástbjörn er fæddur árið 1999 og átti flottan leik.
„Hann er bara búinn að vera í byrjunarliðinu síðustu tvo leiki bara vegna þess að hann er í sterkustu uppstillingunni sem völ er á. Þessir strákar eru allir búnir að stíga upp í vetur og eru að koma inn í liðið á réttum forsendum. Þeir eru valdir því þeir hafa staðið sig."
Willum býst ekkert endilega við að styrkja liðið fyrir Pepsi-deildina, mögulega gæti komið einn leikmaður.
„Það er engin pressa á það. Það yrði þá í mesta lagi einn leikmaður en hann þarf að vera virkilega góður og við verðum að vera alveg öruggir um það að hann færi liðinu eitthvað."
Athugasemdir