Það er leikið í ensku úrvalsdeildinni á þessu þriðjudagskvöldi. Það er einn leikur, Brighton fær Tottenham í heimsókn.

Tottenham er eftir tap gegn Manchester City um helgina sjö stigum á undan Chelsea í baráttunni um Meistaradeildarsæti. Tottenham er í fjórða sæti en með sigri í dag, þá getur liðið jafnað Liverpool, sem er í þriðja sætinu, af stigum.

Andstæðingur Tottenham í dag, Brighton hefur ekki átt góðu gengi að fagna að undanförnu en þó er liðið í 13. sæti og virðist ætla að spila aftur í deild þeirra bestu á næsta tímabili.

Leikurinn í kvöld hefst 18:45 og er sýndur beint á Stöð 2 Sport 2.