Heimild: ESPN 

Eftir 1-1 jafntefli gegn West Ham viku fyrir leikinn við Southampton fór Rudiger í viðtal við Sky Sports þar sem hann gagnrýndi leikstíl Chelsea. Hann sagðist ekki skilja af hverju Chelsea, eftir að liðið næði 1-0 forystu, færi alltaf aftar á völlinn og leyfði andstæðingi sínum að hafa boltann. Chelsea komst einmitt 1-0 yfir gegn West Ham en glundraði þeirri forystu niður í jafntefli.

Þetta virðist hafa farið í taugarnar á Conte.

Rudiger segir í samtali við ZDF í Þýskalandi að hann hafi ekki ætlað sér að gagnrýna Conte beint. Hann telur þó að þessi ummæli sín hafi haft áhrif á liðsval Conte gegn Southampton.

Aðspurður að því hvort hann héldi að ummælin hefðu orsakað það að hann missti sæti sitt í liðinu, þá sagði hann: „Örugglega. En ég meinti þetta ekki þannig."

„Þetta var staðreynd, þetta snerist ekki um taktík. Ég var ekki að ráðast á neinn persónulega, ég var að tala um okkur sem lið."

Næsti leikur Chelsea er gegn Burnley í deildinni á fimmtudaginn. Svo mætir liðið Southampton aftur, þá í undanúrslitum enska bikarsins, á sunnudag. Það verður fróðlegt að sjá hvort Rudiger nái að koma sér aftur inn í liðið hjá Conte í þessum leikjum.

Rüdiger confirmed that he was ready to play on TV show "Das aktuelle Sportstudio" yesterday. Asked why he was not in the squad, he said: "I have no idea. I am fully fit." #CFC

— Nizaar Kinsella (@NizaarKinsella) April 15, 2018

Conte says Rudiger's omission today was a tactical decision. #SOUCHE

— Chelsea FC (@ChelseaFC) April 14, 2018