Zidane segir að Bale sé í framtíðaráætlunum sínum.

Zidane var spurður út í framtíð Bale og liðsfélaga hans, Karim Benzema.

„Ég tel að framtíð þeirra sé ekki í hættu hérna. Þannig er fótboltinn, við þurfum á öllum leikmönnum okkar að halda," segir Zidane.

„Ég sé ekki á þeim að þeir séu óánægðir. Þeir æfa vel. Auðvitað væru þeir til í að spila oftar en fyrir utan það eru allir að leggja sig vel fram."

Bale er reglulega orðaður við Manchester United og sitt gamla félag Tottenham.

Ljóst er að Barcelona mun verða spænskur meistari á þessu tímabili en Real Madrid á möguleika á því magnaða afreki að vinna Meistaradeildina þriðja árið í röð. Real mætir Bayern München í undanúrslitum keppninnar.