Óli Jó þurfti að sætta sig við stig í dag.
Ólafur Jóhannesson, þjálfari Vals, var nokkuð sáttur eftir 2-2 jafntefli sinna manna gegn Víkingi í Pepsi-deildinni í kvöld.
Valur var 1-0 undir í hálfleik en komst í 2-1 í seinni hálfleiknum áður en Óttar Magnús Karlsson tryggði Víkingi stig seint í leiknum.
Valur var 1-0 undir í hálfleik en komst í 2-1 í seinni hálfleiknum áður en Óttar Magnús Karlsson tryggði Víkingi stig seint í leiknum.
Lestu um leikinn: Víkingur R. 2 - 2 Valur
„Þetta er erfiður útivöllur á móti góðu liði þannig eitt stig er ásættanlegt, en auðvitað vildi maður ná í þrjú stig. Frammistaða okkar í dag var kannski ekki alveg til þess að ná í þrjú stig," sagði Ólafur eftir leikinn.
„Við spilum ekki nema annan hálfleikinn, við erum nánast ekki með í fyrri hálfleik og það er dýrt og dugar ekki á móti Víking. Við fórum aðeins yfir það í hálfleik að við áttum eitthvað inni og urðum að gera betur og menn svöruðu því vel."
Milos Milojevic, þjálfari Víkings, sagði að Valur hefði byrjað að spila "kick and run" fótbolta í seinni hálfleiknum, eitthvað sem hann er ekki hrifinn af. Ólafur gaf lítið fyrir þessi ummæli kollega síns.
„Mér er fokkings sama hvað honum finnst um þennan leik. Ég er bara ánægður með mína menn og sérstaklega með seinni hálfleikinn," sagði Ólafur.
Athugasemdir
