Aron Einar á hjólinu í Katar
Íslenski landsliðsmaðurinn Gylfi Þór Sigurðsson birti í dag myndband á Instagram aðgangi sínum þar sem sést að hann er byrjaður að æfa með bolta eftir meiðslin sem hann varð fyrir í mars síðastliðnum.
Gylfi meiddist á hné gegn Brighton þann 10. mars síðastliðinn og í fyrstu var jafnvel óttast að hann myndi missa af HM.
Gylfi meiddist á hné gegn Brighton þann 10. mars síðastliðinn og í fyrstu var jafnvel óttast að hann myndi missa af HM.
Nokkrum dögum eftir leikinn gegn Brighton bárust fréttir af því að Gylfi yrði frá keppni í 6-8 vikur. Smá bakslag kom í endurkomuna en Gylfi er byrjaður að æfa með bolta á nýjan leik.
„Góð tilfinning að sparka aftur í bolta," skrifaði Gylfi við myndband í story á Instagram í dag en tæpur mánuður er í fyrsta leik Íslands á HM.
Gylfi er í Florida í Bandaríkjunum en hann æfði með bolta á Isleworth golfvellinum í dag. Hér að neðan má sjá myndbandið af Instagram síðu hans.
Gylfi birti í dag myndband á Instagram. Hann er byrjaður að sparka í bolta. #fotboltinet pic.twitter.com/k0NYemEJO1
— Fotbolti.net (@Fotboltinet) May 17, 2018
Aron Einar Gunnarsson landsliðsfyrirliði segir frá því á Instagram að hann sé að taka framförum hægt og rólega. Hann birti myndband af sér að hjóla en Aron er í endurhæfingu í Aspetar miðstöðinni í Katar.
Leikir Íslands í júní
2. júní Noregur (Laugardalsvöllur) - Vináttuleikur
7. júní Gana (Laugardalsvöllur) - Vináttuleikur
16. júní Argentína (Moskva) - HM
22. júní Nígería (Volgograd) - HM
26. júní Króatía (Rostov) - HM
Athugasemdir