Það er nóg að gera hjá Sigga dúllu og hans teymi í búningamálum íslenska landsliðsins í aðdraganda HM.
Í morgun barst KSÍ risasending frá Ítalíu en það voru um 500 kassar af varningi frá Errea á Ítalíu.
Þar var meðal annars allur klæðnaður íslenska landsliðsins og starfsmanna þess sem notaður verður á HM í Rússlandi, keppnistreyjur og fleira.
Í morgun barst KSÍ risasending frá Ítalíu en það voru um 500 kassar af varningi frá Errea á Ítalíu.
Þar var meðal annars allur klæðnaður íslenska landsliðsins og starfsmanna þess sem notaður verður á HM í Rússlandi, keppnistreyjur og fleira.
30 dagar eru í fyrsta leik Íslands á HM en mótherjinn verður Argentína. Einnig eru Nígería og Króatía með Íslandi í riðli.
Undirbúningur íslenska liðsins fer að stærstum hluta fram hér á Íslandi og eru fyrstu leikmennirnir mættir og byrjaðir í léttum æfingum undir stjórn þjálfarateymisins.
Á morgun verður fjölmiðlum veitt aðgangur á æfingu þar sem Albert Guðmundsson, Hörður Björgvin Magnússon, Jón Daði Böðvarsson, Kári Árnason og Ólafur Ingi Skúlason verða viðstaddir.
3⃣0⃣ days until we play 🇦🇷 at the @FIFAWorldCup
— Knattspyrnusambandið (@footballiceland) May 17, 2018
✉️ We received a container full of @ErreaOfficial goodies this morning, our kits, training gear etc.
🇷🇺 A large portion of this will go with us to Russia.
🕰️ The time is flying!#fyririsland pic.twitter.com/NRGK2Womfs
Leikir Íslands í júní
2. júní Noregur (Laugardalsvöllur) - Vináttuleikur
7. júní Gana (Laugardalsvöllur) - Vináttuleikur
16. júní Argentína (Moskva) - HM
22. júní Nígería (Volgograd) - HM
26. júní Króatía (Rostov) - HM
Athugasemdir