Paulinho, miðjumaður Corinthians í Brasilíu, hefur blásið á þá orðróma að umboðsmaður hans sé á Englandi í viðræðum um félagaskipti hans í sumar.
Brasilíski landsliðsmaðurinn hefur verið orðaður við brottför frá heimalandinu og er talið að Tottenham leiði kapphlaupið um leikmanninn.
Brasilíski landsliðsmaðurinn hefur verið orðaður við brottför frá heimalandinu og er talið að Tottenham leiði kapphlaupið um leikmanninn.
Umboðsmaður er staddur á Englandi og sagður vera í viðræðum við lið í ensku úrvalsdeildinni, en Paulinho segir að það tengist honum ekkert.
Paulinho segist þó vera ánægður í heimalandinu og hefur ekki í hyggju að róa á önnur mið á næstunni.
,,Hann er ekki í neinum viðræðum. Umboðsmaður minn hefur marga skjólstæðinga, ég er ekki sá eini," sagði Paulinho.
,,Hann er á Englandi en hann vinnur fyrir marga leikmenn. Þeir segja að hann sé að vinna fyrir mig til að yfirgefa Corinthians, en það er ekki tilfellið."
