Heimild: Goal
Cesare Prandelli, þjálfari Ítalíu, segir að Mario Balotelli verði að hætta að fagna mörkum með því að klæða sig úr treyjunni.
Balotelli skoraði sigurmarkið gegn Mexíkó í Álfukeppninni í gærkvöldi og fagnaði með því að rífa sig úr að ofan.
,,Allir hafa séð vöðvana hans svo hann þarf ekki að fara úr treyjunni næst," sagði Prandelli um fagn Balotelli.
Leikmaðurinn reif sig einnig úr að ofan þegar hann skoraði í undanúrslitaleik gegn Þjóðverjum á HM í fyrra.
,,Við höfum rætt um þetta við Mario því að þessi gulu spjöld safnast saman. Ég tók samt eftir því að hann var einbeittur og ákveðinn allan leikinn."
