Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 17. júní 2018 18:00
Gunnar Logi Gylfason
Nokkrir í brasilíska liðinu eiga slæmar minningar gegn Sviss
Alisson spilaði umræddan leik
Alisson spilaði umræddan leik
Mynd: Getty Images
Nú er leikur Brasilíu og Sviss að hefjast í E-riðli en fyrr í dag hafði Serbía betur gegn Kosta Ríka, 1-0, í sama riðli.

Í dag byrja sjö leikmenn inn á sem spiluðu leik Sviss og Brasilíu á heimsmeistaramóti u-17 ára liða.

Árið 2009 varð Sviss heimsmeistari u-17 ára liða og á leið sinni að heimsmeistaratitlinum sló liðið það brasilíska út í riðlakeppninni.

Fjórir leikmenn í byrjunarliði Brasilíu í dag spiluðu á þessu móti. Alisson er að sjálfsögðu einn þeirra en hinir eru þeir Neymar, Coutinho og Casemiro.

Í liði Sviss tóku þrír leikmenn þátt sem eru að byrja inn á í dag. Það eru þeir Granit Xhaka, Ricardo Rodriguez og Haris Seferovic.

Seferovic skoraði einmitt markið í 1-0 sigri Sviss sem sá til þess að Brasilíumennirnir dyttu úr keppni. Seferovic var markahæstur á mótinu.
Athugasemdir
banner
banner
banner
banner