„Það var frábært að upplifa þetta. Þetta er ein af stærstu stundum knattspyrnusögunnar, að ná jafntefli gegn Argentínu á stóra sviðinu á HM, það er ólýsanlegt," sagði Rúnar Vífill sem hafði alls ekki viljað missa af leiknum.

Hann var vongóður fyrir leikinn og segir strákana hafa verið gríðarlega fókuseraða.

„Í sjálfum sér kom þetta manni ekkert gríðarlega á óvart. Þeir voru vel gíraðir og Heimir var búinn að undirbúa þá vel."

Það kom mörgum í opna skjöldu hversu gríðarlega fjölmennir Argentínumenn voru í stúkunni miðað við Íslendinga en fjölmargir Íslendingar sem höfðu áhuga á að fara á leikinn fengu ekki miða.

Rúnar Vífill segist ekki hafa neinar skýringar á því hvernig á þessu stendur.

„Við vorum einmitt að ræða það í gær hvernig í ósköpunum þetta gæti verið með þessum þætti, miðað við þær upplýsingar og reglur sem við fengum í hendurnar og þetta kom okkur í opnar skjöldur," sagði Rúnar sem segir að þetta sé í höndum formanns og framkvæmdastjóra KSÍ að komast til botns í málinu.

Viðtalið í heild sinni við Rúnar Vífil má sjá í sjónvarpinu hér að ofan.