England hefur leik á morgun, 18. júní, klukkan 18:00 þegar liðið leikur gegn Túnis í síðasta leik dagsins.

Englendingar hafa verið heppnir með meiðsli en allir leikmenn liðsins eru klárir núna eftir að Marcus Rashford hefur jafnað sig á smávægilegum hnémeiðslum.

„Þeir eru tilbúnir," sagði Southgate við YouTube rás enska landsliðsins.

„Ef þeir spiluðu í dag væru þeir tilbúnir. Við verðum að sjá til þess að þeir ofreyni sig ekki líkamlega og við drekkjum þeim ekki í upplýsingum. Þeir vita hvernig við viljum spila og þeir vita hvernig andstæðingurinn spilar," sagði Southgate að lokum.