Ágúst Þór Gylfason þjálfari Fjölnis vill styrkja hópinn fyrir síðari umferðina.
Ágúst Þór Gylfason, þjálfari Fjölnis, vonast eftir að styrkja leikmannahópinn áður en félagaskiptaglugginn lokar um mánaðarmótin.
Fjölnismenn eru með ellefu stig í 8. sæti Pepsi-deildarinnar eftir fyrri umferðina en gengi liðsins hefur dalað undanfarnar vikur.
Fjölnismenn eru með ellefu stig í 8. sæti Pepsi-deildarinnar eftir fyrri umferðina en gengi liðsins hefur dalað undanfarnar vikur.
,,Við erum að skoða bæði heima og erlendis. Við erum í leit að karakter sem getur hjálpað okkur í baráttunni," sagði Ágúst Þór Gylfason þjálfari Fjölnis við Fótbolta.net í dag.
,,Það skiptir engu máli hvar hann getur spilað. Okkur vantar einhvern til að rífa þetta upp. Við erum að leita að liðsstyrk sem bætir hina sem eru fyrir. Við erum ekki einblína á eina stöðu. Við erum með menn í allar stöður."
Sadmir Zekovic, framherji Fylkis, kíkti á æfingar hjá Fjölni á dögunum en hann er á förum frá Árbæjarliðinu.
,,Hann kom á tvær æfingar en var ekki alveg týpan fyrir okkur. Góður fótboltamaður en ekki karakterinn sem við erum að leita að til að rífa okkur upp," sagði Ágúst.
Athugasemdir
