Bandaríski miðjumaðurinn Joey Spivack er á leið til Ólafsvíkingur á reynslu þetta staðfesti Ejub Purisevic við Fótbolta.net í gær. Spivack hefur æft með ÍBV síðustu daga en Eyjamenn ætla ekki að semja við hann.
Spivack er 24 ára gamall en hann hefur undanfarið ár leikið í heimalandi sínu.
Þar áður lék hann í tvö ár með Kemi Kings í finnsku C-deildinni.
Spivack hefur einnig leikið í Belgíu og Englandi á ferli sínum en hann var í akademíu New York Red Bulls á sínum tíma.
Félagaskiptaglugginn opnaði 15. júlí og Spivack getur því samið við Víking Ó. ef hann nær að heilla Ejub og félaga.
Athugasemdir