Berglind Björg tapaði gegn Örnu Sif í pool.
Landsliðskonurnar og herbergis félagarnir Arna Sif Ásgrímsdóttir, leikmaður Vals og Berglind Björg Þorvalsdóttir, leikmaður Breiðabliks mættust í ballskák á Gullna túlipananum, hótelinu þar sem landsliðið dvelur í Hollandi á meðan EM stendur yfir.
Herbergisfélagarnir hafa farið saman upp öll yngri landslið Íslands og ætíð verið herbergisfélagar.
Keppnisskapið leyndi sér ekki hjá stelpunum en það fór svo að lokum að Akureyringurinn, Arna Sif bar sigur úr bítum.
Eyjamærin, Berglind Björg þurfti því að syngja ÍBV lagið, Komum fagnandi.
Sjón er sögu ríkari. Hægt er að horfa á myndbandið í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
