Leikið var í öllum riðlum 4. deildar karla í kvöld.

Í A-riðli fóru fram tveir leikir. GG vann öruggan 11-2 sigur á Snæfelli/UDN en það var hörkuleikur í Hveragerði þar sem Hamar mætti Hvíta Riddaranum.

Gestirnir úr Mosfellsbæ komust yfir á 20. mínútu þegar Eiríkur Þór Bjarkason skoraði. Sævar Freyr Alexandersson tvöfaldaði svo forystuna á 25. mínútu. Hamar náði að klóra í bakkann á 75. mínútu en lengra komust þeir ekki, lokatölur 2-1. Með sigrinum tryggði Hvíti Riddarinn nánast sæti sitt í úrslitakeppninni.

KFS vann stórsigur á Stokkseyri, 8-2 í B-riðli en úrslitin eru nú þegar ráðin í riðlinum.

Í D-riðli fór fram toppslagur Álftanes og KH. Heimamenn komust yfir á 30. mínútu þegar Kristófer Örn Kristjánsson skoraði en Alexander Lúðvígsson jafnaði leikinn úr vítaspyrnu skömmu síðar. Sveinni Ingi Einarsson kom svo KH yfir á 60. mínútu en Hreiðar Ingi Ársælsson jafnaði leikinn tíu mínútum síðar.

Alexander skoraði svo sitt annað mark og kom KH aftur yfir en Stefán Ingi Gunnarsson jafnaði leikinn á 90. mínútu, lokatölur 3-3. Með jafnteflinu tryggði Álftanes sér sigur í riðlinum og KH tryggði sæti sitt í úrslitakeppninni.