„Við höfum reyndar ekki rætt það sérstaklega en þegar maður fer að spila á fullu þá verð ég vonandi byrjaður að taka þau. Það er mikill styrkleiki í mínum leik svo það væri synd að taka það frá mér," sagði Gylfi við Fótbolta.net í gær aðspurður út í föstu leikatriðin.

Rooney, Leighton Baines og fleiri spyrnumenn gera tilkall hjá Everton en Gylfi getur bent á magnaða tölfræði sína í föstum leikatriðum með Swansea á síðasta tímabili.

„Jújú, ef það verður eitthvað vesen þá geri ég það kannski," sagði Gylfi léttur í bragði.

„Ég er kominn í gríðarlega sterkan hóp og það eru margir leikmenn sem geta séð um þetta. Það væri frábært ef ég myndi gera það."

Hér að neðan má sjá viðtalið við Gylfa í heild sinni.