Svavar Berg leikmaður Selfyssinga var svekktur eftir 0-2 gegn Leikni R. í Inkassodeildinni í kvöld. Selfyssingar fengu mörg góð færi í leiknum en náðu ekki að nýta sér neitt af þeimm.
Lestu um leikinn: Selfoss 0 - 2 Leiknir R.
Guðmundur Ársæll dómari fór mikinn í leiknum og voru Selfyssingar heilt yfir ekki sáttir með hans störf. Til að mynda var Gunnar Borgþórsson þjálfari Selfyssinga rekinn uppí stúku í leiknum.
„Hann stóð sig ekki nógu vel í dag. Ég var í miklum samskiptum við hann eins og þú sást kannski og við erum góðir vinir. Hann hefur átt betri leiki, töluvert betri."
„Hann leyfði þeim að tefja mikið, þeir voru að henda sér mikið niður og fengu auðveldar aukaspyrnur til að hægja á leiknum. Ef þú ætlar að dæma á þetta í leik þá þarftu að halda þessari línu út leikinn og dæma 7-8 vítaspyrnur í leiknum."
Selfyssingar fengu mark á sig í upphafi leiksins eins og í undanförnum leikjum. Svavar segi að það verði að stoppa.
„Jú það væri skemmtilegast að byrja 0-0, en þetta er eitthvað sem við þurfum að laga. Við erum alltaf flottir eftir að við erum búnir að fá eitt mark á okkur. Þannig við byrjum kannski alltaf bara 1-0 undir og eigum síðan 90 mínútur til þess að skora á þá."
Viðtalið við Svavar má sjá í heild sinni hér að ofan
Athugasemdir
