Jobe Bellingham, yngri bróðir stórstjörnunnar Jude, er búinn að gera nýjan samning við Sunderland þrátt fyrir áhuga úr ensku úrvalsdeildinni.
Nýr samningur Bellingham gildir næstu fjögur árin en Brentford og Crystal Palace reyndu bæði að krækja í hann í sumar.
Bellingham er 18 ára gamall og er ekki ósvipaður bróður sínum innan vallar. Hann leikur sem sóknarsinnaður miðjumaður og getur einnig leikið í fremstu víglínu.
Hann er kominn með eina stoðsendingu eftir fyrstu umferð á nýju tímabili í Championship deildinni, en á síðustu leiktíð skoraði hann sjö mörk og gaf eina stoðsendingu í 47 leikjum í öllum keppnum.
We are delighted to announce that Jobe has signed a new contract at the Stadium of Light! ????
— Sunderland AFC (@SunderlandAFC) August 16, 2024
Athugasemdir