Heimild: Vísir.is
Rúnar Kristinsson.
„Sem stendur eru meiri líkur á því að ég verði áfram á Íslandi,“ segir Rúnar Kristinsson, þjálfari KR, í samtali við Eirík Stefán Ásgeirsson á Vísi.is.
Samkvæmt heimildum Vísis er Rúnar undir smásjá liða í Noregi en sjálfur viðurkennir hann að einhverjar þreifingar hafi verið í gangi.
Í sumar barst fyrirspurn frá félagi í Evrópu.
„Það var ekki heppilegt fyrir mig þá að flytja mig um set. Sem stendur eru meiri líkur á því að ég verði áfram á Íslandi. Þegar þjálfarastöður losnar er stundum bent á mig og þá skoðar maður bara þær fyrirspurnir sem berast."
Samningur Rúnars við KR rennur út eftir tímabilið en sem leikmaður lék hann í Belgíu og Noregi og er reglulega orðaður við þjálfarastöðu hjá félögum í þessum löndum.
Í sumar tók Ólafur Kristjánsson við þjálfun Nordsjælland í Danmörku og spurning hvort Rúnar sé næsti Íslendingur til að taka að sér stórt þjálfarastarf erlendis?
Athugasemdir
