Ole Gunnar Solskjær, stjóri Cardiff, mun líklega fá að taka pokann sinn í dag eða á morgun samkvæmt sögusögnum í fjölmiðlum á Bretlandi.
Cardiff tapaði 1-0 gegn Middlesbrough í gærkvöldi og er í 17. sæti í Championship deildinni eftir fall úr ensku úrvalsdeildinni síðastliðið vor.
Cardiff tapaði 1-0 gegn Middlesbrough í gærkvöldi og er í 17. sæti í Championship deildinni eftir fall úr ensku úrvalsdeildinni síðastliðið vor.
Norðmaðurinn fundar með Mehmed Dalman formanni Cardiff í London í dag og líklegt er að stjóratíð hans sé að ljúka.
Solskjær tók við Cardiff af Malky Mackay í lok síðasta árs en landsliðsfyrirliðinn Aron Einar Gunnarsson hefur verið ánægður undir hans stjórn.
,,Hann er virkilega rólegur og það er ekkert stress í honum. Hann er öðruvísi en fyrri stjóri. Hann er jákvæður og reynir að halda ró yfir mannskapnum. Hann hefur gert það vel. Hann er fínn stjóri," sagði Aron í viðtali við Fótbolta.net á dögunum.
Athugasemdir