Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 17. september 2014 07:00
Elvar Geir Magnússon
Úrskurður aganefndar: Jón Ragnar í banni gegn Fram
Jón Ragnar Jónsson.
Jón Ragnar Jónsson.
Mynd: Fótbolti.net - J.L.
Aga- og úrskurðarnefnd KSÍ fundaði í gær og voru þar alls níu leikmenn úr Pepsi-deild karla úrskurðaðir í bann. Þar á meðal Einar Orri Einarsson, miðjumaður Keflavíkur, sem fær tveggja leikja bann þar sem hann fékk sína aðra brottvísun í sumar í leiknum gegn Stjörnunni á sunnudag.

Þrír leikmenn Vals eru komnir í bann vegna uppsafnaðra áminninga og leika ekki gegn föllnum Þórsurum á sunnudag; það eru Iain William­son, Kristinn Freyr Sigurðsson og Sigurður Egill Lárusson. Þór verður með tvo í banni þar; Ármann Pétur Ævarsson og Orra Sigurjónsson.

Pape Mamadou Faye, sóknarmaður Víkings, er kominn í bann en verður þó með gegn Stjörnunni á fimmtudag. Hann tekur bannið út í leik gegn Breiðabliki á sunnudag.

Topplið FH er í harðri baráttu um Íslandsmeistaratitilinn. Jón Ragnar Jónsson þarf að taka út bann vegna uppsafnaðra áminninga. Hann leikur gegn KR á fimmtudag en verður í banni gegn Fram á sunnudag.

Þá verður Oddur Ingi Guðmundsson í banni hjá Fylki sem mætir Keflavík á sunnudag en hann fékk brottvísun gegn KR um liðna helgi.
Athugasemdir
banner
banner