,,Þetta gekk eins og í sögu hjá okkur Víkingum," sagði Aron Elís Þrándarson sem var valinn efnileasti leikmaður Pepsi-deildarinnar í sumar hjá Fótbolta.net.
Aron Elís missti af síðustu leikjum tímabilsins vegna meiðsla en Víkingur náði að landa Evrópusæti þrátt fyrir að vinna ekki leik í september og október.
,,Ég er að verða heill. Þetta gengur voðalega brösulega og hefur tekið sex vikur. Ég vonast til að komast af stað fljótlega," sagði Aron sem meiddist í leik gegn Val.
,,Ég fór framhjá Iain Williamson og hann steig ofan á hásina á mér. Við héldum að þetta væri miklu minna og ég yrði frá í 2-3 vikur en svo kom í ljós að þetta urðu sex og það verður bara að hafa það."
Aron samdi á dögunum við Álasund en hann mun halda til Noregs á sunnudaginn.,,Þetta er virkilega flottur bær og flott lið og ég get ekki beðið eftir að byrja," sagði Aron um Álasund.
Aron var mest framarlega á miðjunni hjá Víkingi í sumar en hann gæti spilað aftar hjá Álasund. ,,Þeir ætla að hugsa mig í holunni eða á miðri miðjunni. Ég er spenntur fyrir öllu. Auðvitað maður helst vera framar en maður gerir bara það sem þjálfarinn segir og verða fjölbreyttari leikmaður."
Hér að ofan má sjá viðtalið í heild sinni.
Athugasemdir