Hallgrímur Mar Steingrímsson skrifaði undir þriggja ára samning við Víking í dag en hann kemur frá KA. Hinn 24 ára gamli Hallgrímur æfði með KR á dögunum en hann var einnig orðaður við Val og ÍBV.
„Þeir höfðu samband og vildu fá mig á fund. Það sem þeir höfðu að segja heillaði mig mjög mikið," sagði Hallgrímur við Fótbolta.net eftir undirskriftina.
„Það er svolítið síðan ég fór að hugsa út í að fara í Pepsi-deildina og fannst þetta vera rétti tíminn. Það voru fleiri lið sem sýndu mér áhuga en Víkingur heillaði mest. Mér fannst þetta vera rétta skrefið fyrir mig."
Það var ekki annað hægt en að spyrja Hallgrím að því hvort hann ætlaði sér að fylla skarðið sem Aron Elís skilur eftir sig en hann er farinn út í atvinnumennskuna.
„Mig grunaði að þessi spurning kæmi. Ég er ekki endilega kominn hingað til þess, það yrði líka ansi erfitt."
Viðtalið má sjá í heild sinni í sjónvarpinu hér að ofan.
Athugasemdir