Þýsk stjórnvöld héldu í kvöld blaðamannafund eftir að vináttulandsleik Þýskalands og Hollands var aflýst vegna hættu á hryðjuverkum.
Einni og hálfri klukkustund fyrir leikinn var leikvangurinn í Hannover, þar sem viðureignin átti að fara fram, rýmdur og tilkynnt að ekki yrði spilað.
Einni og hálfri klukkustund fyrir leikinn var leikvangurinn í Hannover, þar sem viðureignin átti að fara fram, rýmdur og tilkynnt að ekki yrði spilað.
Fljótlega bárust fréttir af því að sjúkrabíll fylltur með sprengiefnum hefði fundist í nágrenni vallarins, en aðrar fréttir sögðu að grunsamleg ferðataska hefði fundist á leikvangnum.
Á blaðamannafundinum í kvöld kom þó fram að engin sprengiefni hefðu fundist á leikvangnum né í nágrenni hans og því ljóst að þessar fréttir voru ekki á rökum reistar. Ástæður þess að leiknum var frestað var sú að Þjóðverjum barst ábending frá erlendum aðila um að hryðjuverkaárás væri áformuð.
Enginn hefur verið handtekinn vegna málsins.
Athugasemdir