Lestu um leikinn: Slóvakía U21 3 -  1 Ísland

„Þetta var skrýtinn leikur. Mér fannst allt vera í sóma þar til þeir skora. Þá brotna menn saman. Mér fannst menn spila þetta vel þar til að þeir jafna leikinn," sagði Heimir en hvað gerist í hálfleik? „Við þurfum að fara að taka upp einhverjar hárþurrkur eða eitthvað til að breyta þess," sagði Heimir léttur.

„Mér fannst ekki vera nein hætta þar til að þeir skora. Það var ekki hálfleikurinn sem fór með þetta. Kannski var það markið sem braut okkur niður, við vorum orðnir þreyttir eða of margar skiptingar riðluðu leiknum hjá okkur."

„Þetta var svipað og gegn Póllandi. Mörkin voru léleg og við vorum að gefa mörk. Það má ekki á móti svona andstæðingum. Mér fannst þeir ekki verðskulda að skora þrjú mörk."

„Okkur að kenna"
Ögmundur Kristinsson hefur fengið gagnrýni eftir leikina gegn Póllandi og Slóvakíu en hann hefði mátt gera betur í fyrsta markinu í báðum leikjunum.

„Við vorum búnir að halda hreinu fram að markinu og maður hugsaði að það væri gott fyrir hann að fá sjálfstraust eftir að hafa fengið fjögur mörk á sig síðast. Það var ekkert við hann að sakast í öðru markinu. Boltinn fór í andstæðing og yfir hann. Stundum er þetta bara þannig. Maður fær á sig mörk og þetta var þannig séð okkur að kenna. Við gáfum þeim boltann og vorum klaufar."

Margt jákvætt
Birkir Bjarnason spilaði aftarlega á miðjunni í fjarveru Arons Einars Gunnarssonar og stóð sig vel.

„Mér fannst Birkir spila mjög vel í þesasri stöðu. Þetta var eitt af því sem við vildum skoða. Hver gæti leyst Aron Einar af ef hann meiðist."

„Mér fannst Sverrir (Ingi Ingason) koma vel inn í þennan leik en það komu 1-2 mistök í lokin þegar hann var orðinn þreyttur. Haukur Heiðar (Hauksson) spilaði vel og það er margt jákvætt í þessum leik."

Hér að ofan má sjá viðtalið við Heimi í heild sinni.