Þessi fyrrum unglingaleikmaður hjá Charlton hefur verið að fylla skarð Nathaniel Clyne í hægri bakverðinum og Klopp telur að leikmaðurinn eigi bjarta framtíð á Anfield.

„Hann er ungur en er klárlega tilbúinn í ensku úrvalsdeildina. Það er enginn vafi á því. Við viljum hafa hann í vörninni næstu fimmtán ár. Hann getur spilað sem miðvörður eða bakvörður og það er gott fyrir okkur," segir Klopp.

Það liðu alls 23 mánuðir milli úrvalsdeildarleikja sem Gomez spilaði eftir að hann sleit liðbönd í hné.

Liverpool er í fimmta sæti ensku úrvalsdeildarinnar en liðið mætir Southampton á morgun.