Skriniar á stóran þátt í velgengni Inter, sem er aðeins búið að fá 9 mörk á sig í 12 leikjum og er í þriðja sæti deildarinnar, tveimur stigum eftir toppliði Napoli.

„Ég hef ekki áhuga á Inter. Ég er leikmaður Inter og markmið mitt er að spila fyrir Inter," sagði Skriniar við Mediaset Premium.

Hvorki Ítalía né Slóvakía fer á HM á næsta ári og vill Skriniar að liðsfélagar sínir gleymi landsliðunum og einbeiti sér að því að gera vel fyrir félagið, en Inter er eitt af tveimur taplausum liðum ítölsku deildarinnar.

„Núna þurfum við allir að gleyma því sem gerðist í landsleikjahlénu og einbeita okkur að félagsliðinu. Ég er mjög ánægður með fyrsta þriðjung tímabilsins og vona að við getum haldið svona áfram. Markmiðið okkar er að ná meistaradeildarsæti."