Föstudaginn 1. desember kl 11:00 verður kynning á Eimskipsvellinum á „Göngufótbolta“ sem er fótbolti ætlaður eldri iðkendum og er hugsaður til að hvetja eldri borgara og aðra til þess að stunda heilbrigða hreyfingu í góðum félagsskap.

Ef næg þátttaka verður í framhaldinu mun Þróttur í samstarfi við Reykjavíkurborg, skipuleggja reglulegar æfingar í vetur í þessari íþrótt sem hefur notið töluverðra vinsælda í Englandi og á Norðurlöndunum.