Worcester fékk Scunthorpe í heimsókn í annarri umferð enska FA bikarsins.

Liðin gerðu jafntefli sín á milli og gerðu svo aftur jafntefli þegar endurspila átti leikinn þannig að gripið var til framlengingar.

Eftir jafntefli í framlengingu var farið í vítaspyrnukeppni til að útkljá þessa spennandi viðureign.

Það voru ekki margir sem bjuggust við því að í vítaspyrnukeppninni yrði slegið met, en teknar voru 32 vítaspyrnur þar sem aðeins fimm leikmenn brenndu af.

Scunthorpe hafði betur og skoraði 14 mörk í vítaspyrnukeppninni á meðan heimamenn í Worcester skoruðu ekki nema 13. Scunthorpe er því komið í þriðju umferð FA bikarsins.