Helena Ólafsdóttir hefur verið ráðin þjálfari FK Fortuna Álasund sem er í fjórða sæti í sínum riðli í B-deild kvenna í Noregi.
„Lífið er breytingum háð. Fékk símtal fyrir 13 dögum og í dag hef ég ákveðið að gerast þjálfari FK Fortuna Álasund næstu tvö árin Þjálfunin verður mitt aðalstarf í fyrsta sinn og ég get eiginlega ekki lýst því hvað ég hlakka til að takast á við nýjar áskoranir," skrifaði Helena á Facebook.
Helena er einn reyndasti þjálfari landsins og skrifaði hún undir tveggja ára samning og er boðin velkomin á heimasíðu félagsins.
Athugasemdir