Ödegaard, sem er 16 ára gamall í dag, var í gær sagður hafa samið við þýska stórveldið Bayern München eftir að hafa farið á reynslu til Real Madrid, Liverpool og Ajax.

Hann er nú kominn aftur til Englands þar sem hann skoðar aðstæður hjá Arsenal en enska félagið reynir að sannfæra hann um að hætta við að fara til Bayern.

Gunnerblog greinir frá því að Arsenal sé í viðræðum við norska undrabarnið en það kemur í ljós á næstu dögum hvað verður úr því.