Heimild: mbl.is
Landsliðsmaðurinn Rúrik Gíslason hefur fært sig um set í þýsku B-deildinni, hann hefur yfirgefið Nurnberg og er kominn til Sandhausen sem situr í 5. sæti.
„Þetta er ekki sögufrægasta félag í Þýskalandi en það er á sínu sjötta tímabili í þessari deild, virðist vera að bæta sig og er aðeins tveimur sætum á eftir Nürnberg í deildinni," segir Rúrik í samtali við mbl.is.
„Þetta er ekki sögufrægasta félag í Þýskalandi en það er á sínu sjötta tímabili í þessari deild, virðist vera að bæta sig og er aðeins tveimur sætum á eftir Nürnberg í deildinni," segir Rúrik í samtali við mbl.is.
Rúrik er laus allra mála hjá Nurnberg en hann var úti í kuldanum hjá félaginu og fékk lítið að spila.
„Ég var meira að segja kominn út úr hópnum og upp í stúku í einhverjum leikjanna. Mér fannst þetta ósanngjarnt."
Hann samdi við Sandhausen út tímabilið og gæti spilað sinn fyrsta leik með félaginu á þriðjudag en þá hefst keppni í B-deildinni eftir vetrarhlé.
„Ég finn á þjálfaranum sem sótti fast að fá mig til félagsins að hann ætlar mér hlutverk í liðinu. Ég er mjög spenntur fyrir því að spila áfram í Þýskalandi. Þessi deild er mjög sterk og skemmtileg, öðruvísi á margan hátt en danska úrvalsdeildin þar sem ég spilaði áður."
Rúrik er í baráttu um að vera í landsliðshópnum sem fer til Rússlands í sumar en hann komst ekki í hópinn sem fór á EM 2016.
„Það vilja allir vera með á HM og ég er engin undantekning. Það er því mikilvægt fyrir mig að spila sem mest, standa mig vel og komast í góða leikæfingu. Ég er viss um að þessi skipti skemma ekki fyrir mínum möguleikum á að komast í HM-hópinn," segir Rúrik Gíslason við mbl.is.
Athugasemdir