Levski Sofia 1 - 0 Botev Plodiv
1-0 Sjálfsmark ('90)
1-0 Sjálfsmark ('90)
Hólmar Örn Eyjólfsson fer vel af stað í búlgörsku úrvalsdeildinni eftir vetrarfrí. Hólmar er á mála hjá Levski Sofia en liðið lék í dag sinn fyrsta deildarleik frá 9. desember.
Levski mætti Botev Plodiv og var Hólmar á meðal byrjunarliðsmanna hjá heimamönnum í Levski.
Fyrir leikinn munaði sjö stigum á liðunum en leikurinn var frekar jafn og að lokum var það sjálfsmark á lokamínútunum sem skildi liðin að. Það voru Hólmar og félagar sem stóðu uppi sem sigurvegarar, 1-0.
Levski Sofia er í þriðja sæti búlgörsku úrvalsdeildarinnar, níu stigum á eftir toppliðinu sem er Ludogorets.
Athugasemdir