Fanndís Friðriksdóttir, lykilleikmaður í íslenska kvennalandsliðinu, spilaði allan leikinn fyrir Marseille í frönsku úrvalsdeildinni í dag er lið hennar sótti Soyaux heim.
Fanndís kom til Marseille frá Breiðabliki síðastliðið sumar og hefur verið í nokkuð stóru hlutverki í Frakklandi.
Árangurinn hjá Marseille hefur þó ekki verið góður. Eftir sigur í síðasta leik þurfti liðið að sætta sig við tap í dag.
Fanndís kom til Marseille frá Breiðabliki síðastliðið sumar og hefur verið í nokkuð stóru hlutverki í Frakklandi.
Árangurinn hjá Marseille hefur þó ekki verið góður. Eftir sigur í síðasta leik þurfti liðið að sætta sig við tap í dag.
Marseille komst þó yfir í dag með marki úr vítaspyrnu. Staðan var 1-1 í hálfleik en sigurmark Soyaux kom á 69. mínútu. Var það skot af löngu færi að því er kemur fram á vefsíðunni Footfeminin.
Lokatölur 2-1 tap fyrir Marseille, sem er á botni deildarinnar með níu stig eftir 15 leiki. Liðið er fjórum stigum frá öruggu sæti.
Athugasemdir