Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 18. febrúar 2018 10:26
Hafliði Breiðfjörð
Heimild: BBC 
Gerir Chelsea skiptidíl á Hazard fyrir Bale eða Aguero?
Powerade
Hvað verður um Edin Hazard næsta sumar? Endar hann hjá Man City eða Real Madrid?
Hvað verður um Edin Hazard næsta sumar? Endar hann hjá Man City eða Real Madrid?
Mynd: Getty Images
Timo Werner gæti endað í enska boltanum.
Timo Werner gæti endað í enska boltanum.
Mynd: Getty Images
Þá er hann mættur, daglegur slúðurpakki sem BBC hefur tekið saman á þessum fallega sunnudegi.

Real Madrid er tilbúið að bjóða Gareth Bale og 100 milljónir punda í Eden Hazard framherja Chelsea. (Sunday Epxress)

Chelsea ætlar að óska eftir að fá Sergio Aguero í skiptum ef Man City óskar eftir að fá að kaupa Hazard. (Star on Sunday)

Jose Mourinho stjóri Man Utd reifst við Paul Pogba og Phil Jones í klefanum eftir tapið gegn Newcastle í síðustu viku. (Sun on Sunday)

Mourinho fundaði í klukkutíma með Pogba í síðustu viku til að reyna að hreinsa loftið en franski miðjumaðurinn var svo ekki með gegn Huddersfield í gær vegna veikinda. (Mail on Sunday)

David de Gea markvörður Man Utd segir að hann sé mjög ánægður hjá félaginu þrátt fyrir áhuga Real Madrid. (Star on Sunday)

Zinedine Zidane stjóri Real Madrid hefur verið undir pressu hjá félaginu og segir nú að það sé virkilega þreytandi að stýra liðinu og þó svo það taki á að vera í þessu starfi sé það enn verra hjá Madrídingum. (Sunday Times)

Borussia Dortmund vill fá að kaupa belgíska framherjann Michy Batshuayi í sumar en hann kom til þeirra á láni frá Chelsea í sumar. Enska félagið hugsar sér gott til glóðarinnar og vonar að slíkur samningur skili þeim bandaríska framherjanum Christian Pulisic í hina áttina. (Mail on Sunday)

Manchester City hefur áhuga á að fá Julian Weigl miðjumann Dortmund en þýska félagið vill fá 40 milljónir fyrir hann. (Sunday Mirror)

Mauricio Pochettino stjóri Tottenham vill fá Riharlison og Abdoulaye Doucoure frá Watford á 50 milljónir punda. (Sun on Sunday)

Sadio Mane gæti verið að fá nýjan endurbættan saming hjá Liverpoool en hann á þrjú ár eftir af samningi sem færir honum 80 þúsund pund í vikulaun. (Sunday Mirror)

Arjen Robben kantmaður Bayern Munchen er orðinn 34 ár en ekki á þeim buxunum að fara að hætta boltaspriklinu. Hann stefnir nú á að finna sér félag í Bandaríkjunum, Kína eða Katar. (Sportbuzzer)

Arsenal er nýjasta félagið sem vill fá Timo Werner framherja RB Leipzig en Chelsea, Liverpool og Man Utd hafa öll viljað fá þennan 50 milljón punda leikmann sem er nýbúinn að hafna nýju samningsboðin þýska félagsins. (Sun)

Liverpool hefur áhuga á að fá Victor Wanyama frá Tottenham til að leysa stöðu Emre Can ef hann yfirgefur félagið. (Mail)

Athugasemdir
banner
banner
banner
banner