Conte var sáttur með sigurinn hjá sínu liði.
Antonio Conte, stjóri Chelsea, var skiljanlega mjög sáttur eftir 2-1 sigur á Stoke í ensku úrvalsdeildinni í dag.
„Ég er ánægður vegna þess að þú þarft að vera undirbúinn líkamlega og andlega til að spila gegn Stoke á þessum hluta tímabilsins. Við unnum vegna þess í dag. Við mættum mjög góðu liði," sagði Conte eftir sigurinn.
„Ég er ánægður vegna þess að þú þarft að vera undirbúinn líkamlega og andlega til að spila gegn Stoke á þessum hluta tímabilsins. Við unnum vegna þess í dag. Við mættum mjög góðu liði," sagði Conte eftir sigurinn.
Conte hrósaði Gary Cahill, varnarmanni Chelsea, eftir sigurinn. Cahill skoraði sigurmark Chelsea, en fyrr í leiknum hafði hann fengið á sig vítaspyrnu.
„Ég er ánægður fyrir hönd Gary Cahill vegna þess að við fengum á okkur vítaspyrnu eftir smá hrindingu frá honum. Að skora sigurmarkið er frábært fyrir hann og liðið í heild sinni."
Það þarf eitthvað mikið að gerast til þess að Chelsea standi ekki uppi sem Englandsmeistari eftir tímabilið. Þeir eru með 13 stiga forskot á toppnum eftir sigurinn í dag. En hvað þarf Chelsea að gera til þess að landa titilinum?
„Við þurfum að taka 21 stig í viðbót til þess að vinna titilinn. Það eru 10 leikir eftir, en það er mikilvægt að halda áfram með sama hugarfari," sagði sá ítalski að lokum.
Athugasemdir
