Halldór Jón Garðarsson, formaður meistaraflokksráðs kvenna hjá Haukum, og Alexandra Jóhannsdóttir við undirritun samningsins.
Alexandra Jóhannsdóttir hefur endurnýjað samning sinn við knattspyrnudeild Hauka. Samningurinn gildir til október 2019.
Alexandra er aðeins 17 ára gömul, en hún var valin besti leikmaður meistaraflokks kvenna eftir síðasta keppnistímabil þegar liðið tryggði sér sæti í Pepsi-deildinni.
Alexandra er aðeins 17 ára gömul, en hún var valin besti leikmaður meistaraflokks kvenna eftir síðasta keppnistímabil þegar liðið tryggði sér sæti í Pepsi-deildinni.
Alexandra, sem spilar á miðjunni, spilaði alls 18 leiki í 1. deildinni og í úrslitakeppninni á síðasta tímabili og skoraði sex mörk.
Frá 2015 hefur Alexandra spilað 22 leiki með U17 landsliði Íslands og skorað sjö mörk.
Knattspyrnudeild Hauka fagnar nýjum samningi við Alexöndru sem er ein efnilegasta knattspyrnukona landsins og er afar mikilvægur leikmaður meistaraflokks kvenna.
Haukar hafa einnig samið við Catarinu Lima og Stefaníu Ósk Þórisdóttur.
Stefanía gekk til liðs við Hauka vorið 2015 og skoraði hún fjögur mörk í 13 leikjum í B-riðli 1. deildar kvenna á síðasta tímabili.
Catarina Lima er á 18 aldursári og flutti hún ásamt fjölskyldu sinni til Íslands á síðasta ári frá Grænhöfðaeyjum. Hún hóf að æfa með Haukum í nóvember sl. og hefur tekið miklum framförum og því var ákveðið að semja við hana.
Athugasemdir