Hollenski framherjinn Bas Dost leiðir orðið baráttuna um gullskó Evrópu.
Dost sem spilar með Sporting í Portúgal skoraði tvö mörk í leik gegn Nacional í dag. Þessi tvö mörk tryggðu honum efsta sætið en Messi og Aubameyang fylgja þó fast á hæla hans.
Dost hefur skorað 24 mörk í 23 leikjum í deildinni á þessu tímabili, Messi og Aubameyang deila öðru sætinu en þeir hafa skorað 23 mörk.
Sporting situr í þriðja sæti portúgölsku deildarinnar, Bas Dost hefur verið algjör lykilmaður hjá liðinu síðan hann kom til félagsins frá Wolfsburg síðastliðið sumar.
Athugasemdir