Bournemouth fjarlægist fallpakkann í ensku úrvalsdeildinni með hraði! Þeir mættu Swansea, liði Gylfa Þórs Sigurðssonar, í dag og unnu frekar þægilegan sigur.

Swansea byrjaði leikinn betur, en fyrsta markið var eign Bournemouth. Benik Afobe, sóknarmaður Bournemouth átti þá skot sem fór af Alfie Mawson, varnarmanni Swansea, og inn.

Staðan var 1-0 fyrir Bournemouth í leikhlé. Í seinni hálfleiknum kom Benik Afobe Bournemouth í 2-0 og sigur þeirra var staðreynd.

Gylfi Þór spilaði allan leikinn hjá Swansea, en náði ekki að láta að sér kveða. Bournemouth er núna með 33 stig í 11. sæti á meðan Swansea er aðeins þremur stigum frá fallsæti.