„Það er alltaf vont að tapa fótboltaleikjum. Þetta er leikur sem við áttum aldrei að tapa, við áttum að gera út um þetta í fyrri hálfleik," sagði Helgi SIgurðsson þjálfari Fylkis eftri 1-2 tap gegn Selfossi í Lengjubikarnum í kvöld en sigurmarkið kom í uppbótartíma.
Lestu um leikinn: Fylkir 1 - 2 Selfoss
„Við óðum svoleiðis í færum en erum sjálfum okkur verstir og nýtum ekki færin nógu vel. Þá er alltaf hætta á að fá það í bakið á okkur. Það gerðist í dag. Það er alltaf verið að minna okkur á það, svona verður 1. deildin í sumar," hélt Helgi áfram.
„Við þurfum að fara að læra á þetta, því við erum ofboðslega einbeittir á móti liðum í úrvalsdeild en svo vantar aðeins á það í leikjum á móti liðum sem eru í 1. deildinni. Ekki það að við fengum nóg af færum til að vinna þennan leik í dag. Það gekk ekki en við eigum samt að vera það rútíneraðir í þessu að við eigum ekki að fá á okkur tvö mörk á síðustu 10-15 mínútunum."
Nánar er rætt við Helga í sjónvarpinu hér að ofan.
Athugasemdir