Framtíð framherjans Romelu Lukaku hjá Everton er í óvissu. Hann vill ekki skrifa undir nýjan og betrumbættan samning og gagnrýndi metnað Everton í viðtali á dögunum.
Hann var þó í byrjunarliði Everton gegn Hull í dag og gerði það sem hann gerir best, að skora mörk.
Hann var þó í byrjunarliði Everton gegn Hull í dag og gerði það sem hann gerir best, að skora mörk.
Þessi belgíski sóknarmaður gerði tvö mörk undir lok leiksins og gulltryggði Everton 4-0 sigur á Hull City.
Mikið hefur verið rætt og skrifað um framtíð Lukaku í þessari viku, en Ronald Koeman, stjóri Everton, tók sér tíma og ræddi um framherjann í viðtali eftir leik.
„Stuðningsmennirnir elska Romelu Lukaku og allir elska Rom. Já, þú getur kannski haldið aftur af honum í 85 mínútur, en hann var einbeittur fram á síðustu sekúndu. Við drápum leikinn fullkomlega," sagði Koeman ánægður.
Athugasemdir