Lokaleikur dagsins í þýsku úrvalsdeildinni var ekki mikið fyrir augað. Þetta var leikur í 25. umferð deildarinnar, sem leikin er um helgina.

Eintracht Frankfurt fékk Hamburger SV í heimsókn á hinn glæsilega Commerzbank-Arena í Frankfurt, en leikurinn olli miklum vonbrigðum.

Hvorugu liðinu tókst að skora og fóru áhorfendur svekktir heim enda þurftu bæði lið á sigri að halda.

Frankfurt er í harðri baráttu um sæti í Evrópukeppni; þeir eru í sjöunda sæti með 36 stig, einu stigi á eftir liðinu fyrir ofan. Hamburger SV er aftur á móti í fallbaráttu og eru í 16. sæti, sem er það sæti sem fer í umspil um sæti í Bundesligunni, með 27 stig.

Hér að neðan má sjá stigatöfluna í deildinni, en það gæti tekið smá tíma fyrir hana að uppfæra sig.