Eftir ótrúlegan sigur á Manchester United 16-liða úrslitum í Meistaradeildinni í vikunni, þá þurfti Sevilla að sætta sig við tap gegn Leganes í spænsku úrvalsdeildinni í dag.

Sevilla kom mörgum á óvart á þriðjudaginn síðasta og skellti United á Old Trafford og var sigurinn sanngjarn.

Í dag kom Unai Bustinza Leganes yfir og þegar tæpar 20 mínútur voru eftir bætti Javier Eraso við marki, 2-0. Miguel Layun minnkaði muninn undir lokin en meira var það ekki.

Niðurstaðan var 2-1 sigur Leganes sem eru nokkuð athyglisverð úrslit miðað við það sem gerðist í síðustu viku, að Sevilla skyldi slá Man Utd úr leik í Meistaradeildinni.

Leganes er í 12. sæti og Sevilla í fimmta sæti.

Full-time result: Leganes 2-1 Sevilla

Might want to cover your eyes as well Jose... 🙈 pic.twitter.com/yw3o6LavSN

— Goal (@goal) March 18, 2018