banner
   sun 18. mars 2018 10:46
Guðmundur Aðalsteinn Ásgeirsson
Velur Alisson Real Madrid fram yfir Liverpool?
Powerade
Alisson hefur verið að standa sig vel með Roma.
Alisson hefur verið að standa sig vel með Roma.
Mynd: Getty Images
Neymar fer fram á launahækkun hjá PSG.
Neymar fer fram á launahækkun hjá PSG.
Mynd: Getty Images
Komum þessum sunnudegi af stað með slúðrinu!



Fyrrum þjálfari Barcelona, Luis Enrique, ætlar að láta Chelsea bíða eftir sér og sjá hvað gerist í stjóramálum Arsenal. (Sunday Star)

Neymar (26), dýrasti leikmaður knattsyrnusögunnar, vill fá launahækkun ef hann á að vera áfram hjá Paris Saint-Germain á næstu leiktíð. (Sunday Times)

Unai Emery, þjálfari PSG, hefur ekki viljað útiloka það að Neymar sé á förum til Real Madrid. (Sun on Sunday)

Liverpool vill kaupa markvörðinn Alisson (25) frá Roma. Alisson er metinn á 70 milljónir punda en líklegast er að hann endi hjá Real Madrid. (Sunday Mirror)

Jurgen Klopp, stjóri Liverpool, er að reyna að sannfæra stjórn félagsins að kaupa Julian Draxler (24) frá PSG. (Sunday Express)

Framtíð Paul Pogba (25) hjá Manchester United er í óvissu. Umboðsmaður hans, Mino Raiola, er byrjaður að kanna áhugann á honum hjá öðrum félögum. (Sunday Mirror)

Manchester City er að vinna baráttuna við nágranna sína í Manchester United um Fred (25), brasilískan miðjumann Shakhtar Donetsk. (Sunday Star)

Romelu Lukaku (24) sóknarmaður Manchester United telur að „margir, margir góðir leikmenn" verði keyptir til félagsins í sumar. (Mail on Sunday)

Son Heung-min (25) er að eiga stórkostlegt tímabil og ætlar Tottenham að verðlaun hann með nýju samningi. (Talksport)

Þjálfarinn Zinedine Zidane þvertekur fyrir það að Gareth Bale (28) sé ósáttur í herbúðum Real Madrid. (Mail on Sunday)

John Terry (37) vill spila áfram með Aston Villa á næsta tímabili. Villa er í baráttu um að komast upp í ensku úrvalsdeildina og Terry gæti því snúið aftur í deild þeirra bestu á Englandi. (People)

Joey Barton (35), fyrrum miðjumaður Manchester City og Burnley, gæti tekið við Fleetwood Town í júní, þegar banni sem hann fékk fyrir veðmál tekur enda. (Sun on Sunday)
Athugasemdir
banner
banner
banner
banner
banner