Monaco komst upp úr frönsku fyrstu deildinni eftir síðustu leiktíð en nú situr liðið í öðru sæti frönsku úrvalsdeildarinnar og virðist félagið á leið í Meistaradeild Evrópu eftir nokkuð gott hlé.

Ranieri tók við liðinu árið 2012 og stýrði liðinu upp í úrvalsdeild á sínu fyrsta tímabili en Dmitry Rybolovlev, keypti félagið og dældi peningum í það til þess að gera það að stórveldi á nýjan leik.

Menn á borð við Radamel Falcao, Joao Moutinho, Dimitar Berbatov, Jeremy Toulalan, James Rodriguez, Ricardo Carvalho og Eric Abidal hafa komið til félagsins og hafa þeir allir spilað stóra rullu í að gera liðið að því sem það er í dag.

Stjórn Monaco dreymdi þó stærra fyrir þessa leiktíð og bjóst við að það myndi veita PSG meiri samkeppni á toppnum en liðið er tíu stigum á eftir Monaco þegar fimm leikir eru eftir og virðist fátt koma í veg fyrir að PSG taki titilinn annað árið í röð.

Ranieri mun því líklega þurfa að taka poka sinn í sumar en Steve Clarke, fyrrum stjóri WBA hefur verið orðaður við starfið. Ranieri sjálfur hefur þjálfað mörg stórlið á ferlinum en þar má nefna Chelsea, Valencia, Juventus, Roma og Internazionale meðal annars.