Carlos Tevez, leikmaður Juventus í Seríu A á Ítalíu, segist hæstánægður með gælunafnið sem fólkið í Argentínu hefur gefið honum.
Tevez, sem hefur verið magnaður frá því hann gekk til liðs við Juventus, mun að öllum líkindum missa af HM sem fram fer í Brasilíu í sumar en hann hefur ekki verið valinn frá því Alejandro Sabella tók við argentínska landsliðinu.
Hann hefur ekki spilað landsleik frá árinu 2011 en á þessari leiktíð hefur hann skorað 18 deildarmörk en þrátt fyrir góðan árangur er ekki laust sæti fyrir hann í argentínska hópnum og virðist öll von úti um að hann spili með liðinu í sumar.
Fólkið í Argentínu styður þó Tevez og vill sjá hann í hópnum en það kallar hann leikmann fólksins.
,,Ég er venjulegur náungi og gef ekki sjálfum mér gælunöfn, svona eins og ,,leikmaður fólksins"," sagði Tevez.
,,Ég er hinsvegar ánægður með fólkið í Argentínu sem kallar mig þetta, því það gerir mikið fyrir mig," sagði hann að lokum.
Athugasemdir