Heimild: BBC
Wayne Rooney gæti spilað sem djúpur miðjumaður í stórleik ensku úrvalsdeildarinnar í dag þegar liðið mætir Manchester United á Stamford Bridge.
Michael Carrick og Daley Blind eru báðir meiddir og þá vantar mann til að leysa þessa stöðu. Því ætlar Louis van Gaal knattspyrnustjóri að fá Rooney aftar á völlinn.
,,Blind og Carrick geta spilað þessa djúpu miðjustöðu," sagði Van Gaal í gær. ,,Ég á engan annan möguleika en að spila Wayne Rooney aftur í þessari stöðu svo ég þarf að púsla þessu mikið saman."
Gengi Man Utd hefur breyst mikið til batnaðar eftir að Rooney fór framar á völlinn en þar sem Blind og Carrick meiddust í grannaslagnum gegn Man City þarf Van Gaal að breyta liðinu.
Varnarmennirnir Marcos Rojo, Phil Jones og Jonny Evans eru líka frá keppni en Paddy McNair eða Tyler Blackett gætu spilað í miðri vörninni með Chris Smalling. Robin van Persie hefur hafið æfingar að nýju eftir nærri tvo mánuði frá vegna meiðsla og gæti verið með í dag.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir