banner
   mið 18. apríl 2018 16:40
Magnús Már Einarsson
Lið úr C-deild í bikarúrslit í Frakklandi
Úrslitaleikurinn verður á Stade de France.
Úrslitaleikurinn verður á Stade de France.
Mynd: Fótbolti.net - Hafliði Breiðfjörð
Les Herbiers úr frönsku C-deildinni hefur tryggt sér sæti í bikarúrslitunum þar í landi.

Les Herbiers lagði Chambly 2-0 í undanúrslitum í gær en síðarnefnda liðið er einnig úr 3. deild.

Florian David og Ambroise Gboho skoruðu mörkin við mikinn fögnuð stuðningsmanna Les Herbiers.

Les Herbiers mætir PSG eða Caen í úrslitum á Stade de France þann 8. maí en það skýrist í kvöld hvort liðið það verður.

Síðasta lið úr C-deild til að fara í bikarúrslit í Frakklandi var Quevilly árið 2012 en það tapaði 1-0 gegn Lyon í úrslitaleik.


Athugasemdir
banner
banner